ಮಾನ್ಯರೆ,
ತೇಜಸ್ ಇಂಡಿಯಾ, ಬೆಂಗಳೂರು
ಸಿವಿಜಿ ಪಬ್ಲಿಕೇಷನ್ಸ್, ಬೆಂಗಳೂರು ಹಾಗೂ ಧಾರವಾಡ ಕಟ್ಟೆ, ಧಾರವಾಡ ಇವರ ಸಂಯುಕ್ತಾಶ್ರಯದಲ್ಲಿ
ಪ್ರೊ. ಬಸವರಾಜ ಡೋಣೂರ ಅವರ ಜನ್ಮದಿನದಂದೇ ಅವರ
‘ಅಸ್ಮಿತೆ’ ಮತ್ತು ‘ಪೂರ್ವ ಪಶ್ಚಿಮ ಅನುಸಂಧಾನ’ ಕೃತಿಗಳ ಬಿಡುಗಡೆ ಸಮಾರಂಭ ವನ್ನು ಹಮ್ಮಿಕೊಳ್ಳಲಾಗಿದೆ.
ಹಿರಿಯರು, ಆತ್ಮೀಯರು ಹಾಗೂ ಧಾರವಾಡ ಕಟ್ಟೆ ಬಲಗದವರೆಲ್ಲರು ಈ ಕಾರ್ಯಕ್ರಮದಲ್ಲಿ ನಮ್ಮ ಜೊತೆಯಗಬೇಕೆಂದು ಸವಿನಯ ಮನವಿ ಹಾಗೂ ಆತ್ಮೀಯ ಸ್ವಾಗತ.
ದಿನಾಂಕ: 26-07-2025
ಸಮಯ: ಸಂಜೆ 5.30 ಕ್ಕೆ
ಸ್ಥಳ: ಬೇಂದ್ರೆ ಭವನ, ಸಪ್ತಾಪುರ, ಧಾರವಾಡ
ಮರೆಯದೆ ಬನ್ನಿ,
ಧಾರವಾಡ ಕಟ್ಟೆ ಬಳಗ
ಶೇಕ್ಸ್‌ಪಿಯರ್ ನಾಟಕಗಳ ಉಪನ್ಯಾಸ ಮಾಲಿಕೆ
ಧಾರವಾಡ ಕಟ್ಟೆ ಈವರೆಗೆ ಅನೇಕ ಉಪನ್ಯಾಸ ಮಾಲಿಕೆಗಳನ್ನು ಆಯೋಜನೆ ಮಾಡಿದೆ. ಕಟ್ಟೆಯ ಸಾಹಿತ್ಯಕ- ಸಾಂಸ್ಕೃತಿಕ ಕಾರ್ಯಕ್ರಮಗಳನ್ನು ದೇಶ ವಿದೇಶಗಳ ಸಾಹಿತ್ಯಾಸಕ್ತರು ಆಲಿಸುತ್ತ ಕಟ್ಟೆಯ ರಚನಾತ್ಮಕ ಕೆಲಸಗಳನ್ನು ಮೆಚ್ಚಿ ಧಾರವಾಡ ಕಟ್ಟೆಯನ್ನು ‘ಸಾಹಿತ್ಯದ ಅನುಭವ ಮಂಟಪ’ ಎಂದು ಕರೆದಿದ್ದಾರೆ.
ಶ್ರೋತೃಗಳ ಅಪೇಕ್ಷೆಯಂತೆ ವಿಶ್ವಮಾನ್ಯ ಮಹಾನ್ ನಾಟಕಕಾರ ಶೇಕ್ಸ್‌ಪಿಯರನ 37 ನಾಟಕಗಳ ಕುರಿತು ವಿಶೇಷ ಉಪನ್ಯಾಸ ಸರಣಿಯನ್ನು ಅಯೋಜಿಸುತ್ತಿದೆ.
150 ಜನರಿಗೆ ಮಾತ್ರ ಈ ಉಪನ್ಯಾಸ ಸರಣಿಯಲ್ಲಿ ಭಾಗವಹಿಸಲು ಅವಕಾಶವಿದೆ. ಆಸಕ್ತರು, ಈ ಆಮಂತ್ರಣ ಪತ್ರಿಕೆಯೊಂದಿಗೆ ಒದಗಿಸಿದ ಗೂಗಲ್ ಫಾರ್ಮ್ ಬಳಸಿ ನೋಂದಾಯಿಸಿಕೊಳ್ಳಲು ಕೋರಿಕೆ.
ನಮ್ಮ ವಾಟ್ಸಾಪ್ ಗುಂಪಿಗೆ ಸೇರಲು ಇಲ್ಲಿ ಕ್ಲಿಕ್ ಮಾಡಿ
ಹೆಚ್ಚಿನ ಮಾಹಿತಿಗಾಗಿ ಸಂಪರ್ಕಿಸಿ
ಡಾ. ವಿಜಯಲಕ್ಷ್ಮಿ ದಾನರಡ್ಡಿ +919743316892
ಶಿವರಾಜ ಸಣಮನಿ +919739741141
ಉದ್ಘಟನಾ ಸಮಾರಂಭ:
ದಿನಾಂಕ: 01-08-2025, ಶುಕ್ರವಾರ
ಸಮಯ: ಸಂಜೆ: 06 ಗಂಟೆಗೆ
ಸ್ಥಳ: ಬೇಂದ್ರೆ ಭವನ, ಸಾಧನಕೇರಿ, ಧಾರವಾಡ
ಧಾರವಾಡ ಕಟ್ಟೆ(ರಿ), ಧಾರವಾಡ
ಧಾರವಾಡ ಕಟ್ಟೆ ಇಂಗ್ಲಿಷ್ ಸಾಹಿತ್ಯ ದರ್ಶನ- ಭಾಗ-೧ ಎಂಬ ವಿಶೇಷ ಮಾಲಿಕೆಯನ್ನು ಆಯೋಜಿಸಿದೆ. ಜುಲೈ, 2024 ರಿಂದ ಡಿಸೆಂಬರ್, 2024ರವರೆಗೆ ಆರು ತಿಂಗಳ ಕಾಲ ನಿರಂತರವಾಗಿ ಈ ವಿಶೇಷ ಉಪನ್ಯಾಸ ಮಾಲಿಕೆ ನಡೆಯಲಿದೆ. ಈ ಕಾರ್ಯಕ್ರಮದಲ್ಲಿ 26 ಜನ ವಿದ್ವಾಂಸರು ಉಪನ್ಯಾಸಗಳನ್ನು ಮಂಡಿಸಲಿದ್ದಾರೆ.
ಮಾಲಿಕೆಯ ಉಪನ್ಯಾಸಗಳಲ್ಲಿ ಭಾಗವಹಿಸಲು ಈ ಕೆಳಗೆ ನೀಡಲಾದ ಲಿಂಕ್ ಬಳಸಿ ನೋಂದಣಿ ಮಾಡಿಕೊಳ್ಳಲು ಕೋರಿಕೆ. ಎಲ್ಲಾ ಉಪನ್ಯಾಸಗಳಿಗೆ ಹಾಜರಾಗುವ ಆಸಕ್ತರಿಗೆ ಪ್ರಮಾಣಪತ್ರಗಳನ್ನು ನೀಡಲಾಗುವುದು.
Click Here To Register Yourself
Click Here To Join Our Whatsapp Group
ಇದು ನಮ್ಮ-ನಿಮ್ಮೆಲ್ಲರ ಕಟ್ಟೆ
ಪರುಷಕಟ್ಟೆ ಪತ್ರಿಕೆ ಸಾಹಿತ್ಯ, ಸಂಸ್ಕೃತಿ, ಭಾಷೆ, ಸಮಾಜ, ಸಮುದಾಯ, ಮಾನವಶಾಸ್ತ್ರ, ಮನಃಶಾಸ್ತ್ರ, ತರ್ಕಶಾಸ್ತ್ರ ಮತ್ತು ತತ್ವಶಾಸ್ತ್ರದ ಕುರಿತು ಲೇಖನಗಳನ್ನು ಪ್ರಕಟಿಸಲಿದೆ. ನಾಡು ನುಡಿಯ ಪರವಾದ, ದೇಶಪ್ರೇಮ, ದೇಶಭಕ್ತಿ, ಚರಿತ್ರೆ, ಪರಂಪರೆ ಮತ್ತು ಸಂಸ್ಕೃತಿಯ ಕುರಿತಾದ ಲೇಖನಗಳಿಗೆ ಅವಕಾಶವಿದೆ.
ಲೇಖಕರ ಕಥೆ( ೬ ಪುಟ) ಕವನ (೪ ಕವನ, ಒಂದು ಬಾರಿಗೆ, ಲಲಿತ ಪ್ರಬಂಧ (೬ ಪುಟ) , ಸಂದರ್ಶನ (೮ ಪುಟ) ಮತ್ತು ಪುಸ್ತಕ ವಿಮರ್ಶೆಕ್ಕೂ ಇಲ್ಲಿ ಅವಕಾಶವಿದೆ. ಲೇಖಕರು ತಮ್ಮ ಬರಹವನ್ನು ಈ ಕೆಳಗಿನ ವಿಳಾಸಕ್ಕೆ ಪ್ತತಿ ತಿಂಗಳ೨೫ ರ ಒಳಗಾಗಿ ಕಳಿಸಬೇಕು. ನುಡಿ ಸಾಫ್ಟ್‌ವೇರ್ ಬಳಸಬೇಕು. ಕರಡು ತಿದ್ದಿ ಸಾಧ್ಯವಾದ ಮಟ್ಟಿಗೆ ಕಾಗುಣಿತ ಮತ್ತು ವ್ಯಾಕರಣ ದೋಷಗಳನ್ನು ಸರಪಡಿಸಿ ಬರಹವನ್ನು ಕಳಿಸಬೇಕು.
ಸಂಪಾದಕ ಮಂಡಳಿ
ಬರಹ ತನ್ನ ಅರ್ಥ, ಸೊಬಗು ಕಳೆದುಕೊಂಡ ಸಂದರ್ಭದಲ್ಲಿ ನಾವು ಕನ್ನಡ ಮಾಸ ಪತ್ರಿಕೆ ಹೊರತರುತ್ತಿದ್ದೇವೆ.
ಕನ್ನಡ ಸಾಹಿತ್ಯ ಮತ್ತು ಸಂಸ್ಕೃತಿಯಲ್ಲಿ ಯುಗಪ್ರವರ್ತಕ ಪಲ್ಲಟ ತರುತ್ತೇವೆ ಎಂಬ ಅಸಿಮಿತ ಮಹತ್ವಾಕಾಂಕ್ಷೆ ನಮಗಿಲ್ಲ. ಆದರೆ ಕನ್ನಡ ಸಾಹಿತ್ಯ, ಸಂಸ್ಕೃತಿ ಮತ್ತು ಚಿಂತನಾಕ್ರಮದ ದಿಕ್ಕು ಬದಲಿಸುವ ನಿಟ್ಟಿನಲ್ಲಿ ಒಂದು ಸಣ್ಣ ಹೆಜ್ಜೆ ಇಡುವ ಪ್ರಯತ್ನ ನಮ್ಮದು.
ಏಕೆ ಬರಹ ತನ್ನ ಅರ್ಥ ಮತ್ತು ಸೊಬಗು ಕಳೆದುಕೊಂಡಿದೆ? ಏಕೆ ಬರಹಗಾರರು ಜನರ, ಓದುಗರ ವಿಶ್ವಾಸ ಕಳೆದುಕೊಳ್ಳುತ್ತಿದ್ದಾರೆ? ಏಕೆ ಬರಹ ಕೇವಲ ಪದಗಳ ಸಂಗ್ರಹವಾಗಿ ಕಾಣುತ್ತಿದೆ? ಈ ಬಗ್ಗೆ ಲೇಖಕರು ಮತ್ತು ಓದುಗರು ಚಿಂತಿಸದಿದ್ದರೆ ಬೇರೆ ಯಾರು ಈ ಕಡೆಗೆ ಗಮನ ಹರಿಸಲು ಸಾಧ್ಯವಿದೆ?
ಲೇಖಕರು ತಮ್ಮ ವಿಶ್ವಾತ್ಮಕತೆ ಕಳೆದುಕೊಂಡಿರುವುದೇ ಬರಹದ ವ್ಯಾಪ್ತಿ ಕುಗ್ಗಲು ಸಾಧ್ಯವಿದೆ. ವಿಶ್ವಾತ್ಮಕತೆ ಪ್ರಾಪ್ತವಾಗಲು ನಾವು ಇಂಗ್ಲಿಷ್ ಅಥವಾ ಸ್ಪ್ಯಾನಿಷ್ ಭಾಷೆಯಲ್ಲಿ ಬರೆಯಬೇಕಾಗಿಲ್ಲ. ಮನುಷ್ಯ ಕುಲಂ ತಾನೊಂದು ವಲಂ ಎಂದು ಪಂಪ ಬರೆದದ್ದು ಕನ್ನಡ ಭಾಷೆಯಲ್ಲಿ ಅಲ್ಲವೆ? ಭಾಷೆ ಒಂದು ಸೂತಕ, ಅರಿವೇ ಗುರು, ದಯವಿಲ್ಲದ ಧರ್ಮವಾವುದಯ್ಯಾ? ಎಂದು ವಚನಕಾರರು ಬರೆದದ್ದು ಇದೇ ಕನ್ನಡ ಭಾಷೆಯಲ್ಲಿ ಅಲ್ಲವೆ? ಇದಕ್ಕಿಂತ ಹೆಚ್ಚಿನ ವಿಶ್ವಾತ್ಮಕತೆ ಬೇರೆ ಯಾವ ಪಾಶ್ಚಾತ್ಯ ಲೇಖಕನ ಬರಹದಲ್ಲಿದೆ?
ಇಂಥ ವಿಶ್ವಾತ್ಮಕತೆ ನಮ್ಮ ಇತ್ತೀಚೆಗಿನ ಬರಹದಲ್ಲಿ ಕಾಣುತ್ತಿಲ್ಲ. ಲೇಖಕರು ಅತ್ಯಂತ ಸಿಮಿತ ಪ್ರಜ್ಞಾ ವಲಯದಲ್ಲಿ ನಿಂತು, ಕೇವಲ ತಮ್ಮ ಸಮಾಜ ಮತ್ತು ಸಮುದಾಯಗಳ ಆಶೋತ್ತರಗಳಿಗೆ ಬದ್ಧರಾಗಿ, ಅನ್ಯ ಸಮಾಜ ಸಮುದಾಯಗಳ ಕಾಳಜಿಗೆ ಕುರುಡಾಗಿ, ಅನ್ಯ ಸಮುದಾಯಗಳ ಮನಸ್ಸು ಮತ್ತು ಭಾವನೆಗಳಿಗೆ ಧಕ್ಕೆ ಉಂಟು ಮಾಡುವಂಥ ಬರಹದಲ್ಲಿ ತೊಡಗಿದ್ದರಿಂದ ಸಾಹಿತ್ಯ ಕೇವಲ ಸೇಡು ಮತ್ತು ಪ್ರತಿಕಾರದ ಅಭಿವ್ಯಕ್ತಿಯ ಮಾಧ್ಯಮವಾಗಿದೆ. ಇಂಥ ಸಾಹಿತ್ಯಕ್ಕೆ ಸಾರ್ವಕಾಲಿಕತೆ, ವಿಶ್ವಾತ್ಮಕತೆ ದಕ್ಕುವುದಿಲ್ಲ. ಹೀಗಾಗಿ ಅದು ತನ್ನ ಅರ್ಥವಂತಿಕೆ ಮತ್ತು ಪ್ರಸ್ತುತತೆ ಎರಡನ್ನೂ ಕಳೆದುಕೊಂಡು ಬಿಡುತ್ತದೆ.
ಲೇಖಕರು ಸರಿಯಾದ ರೀತಿಯಲ್ಲಿ ತಮ್ಮ ವ್ಯಕ್ತಿತ್ವ ಕಟ್ಟಿಕೊಳ್ಳದಿರುವುದು ಮತ್ತೊಂದು ಕಾರಣ. ಬರಹದ ನೈತಿಕತೆ ಲೇಖಕನ ನೈತಿಕತೆಯನ್ನು ಅವಲಂಬಿಸಿದೆ, ಅನುಕರಿಸುತ್ತದೆ ಮತ್ತು ಅನುಸರಿಸುತ್ತದೆ. ಈ ನೈತಿಕತೆಯನ್ನು ಬಹಳ ಸರಳವಾಗಿ, ಲೆಕ್ಕ ಬಿಡಿಸಿದಂತೆ ಹೇಳಲಾಗದು. ಲೇಖಕರು ಹಾಗಿರಬೇಕು, ಹೀಗಿರಬೇಕು ಎಂದು ಈ ಮಾತಿನ ಅರ್ಥವಲ್ಲ.
ಜನರ ನೋವಿಗೆ, ಕಷ್ಟಕ್ಕೆ ಸ್ಪಂದಿಸದ, ನಾಡು ನುಡಿಯ ಕರೆಗೆ ಓಗೂಡದ, ದೇಶದ ಸ್ಥಿರತೆ, ಒಗ್ಗಟ್ಟು ಮತ್ತು ರಕ್ಷಣೆಗೆ ನಿಲ್ಲದ, ಬದುಕಿಗೆ ಬದ್ಧವಾಗಿರದೆ ಮತ್ತು ಬರಹಕ್ಕೆ ಮಾದರಿಯಾಗಿ ಬದುಕದೆ ಹೋದರೆ ಅರ್ಥಪೂರ್ಣವಾದ ಬರಹ ಸಾಧ್ಯವಾಗುವುದಿಲ್ಲ.
ಇದಾವುದನ್ನು ಲೆಕ್ಕಿಸದೆ ಬರೆದರೆ ಆ ಬರಹ ಕೇವಲ ಶಬ್ದಗಳ ಸಮೂಹವಾಗುತ್ತದೆ. ಜೀವಂತಿಕೆ, ಲವಲವಿಕೆ, ತೀವ್ರತೆ ಕಳೆದುಕೊಂಡು ಕೇವಲ ಹಳವಂಡವಾಗಿ, ಮೃತಶಬ್ದಗಳ ಶವಾಗಾರವಾಗಿ ಕಾಣುತ್ತದೆ. ಆಗ ನಾವು ಬರೆಯುವ ಪ್ರತಿಯೊಂದು ಸಾಲು ಶೇಕ್ಸ್‌ಪಿಯರ್ ಹೇಳುವ ಹಾಗೆ ಕೇವಲ Words, words and words ಆಗಿ ಕಾಣುತ್ತದೆ.
ಬರಹ ಸತ್ತ ಪದಗಳ ಸಮೂಹವಾಗಿ ಕಾಣಬಾರದು ಮತ್ತು ಬರೆಯುವ ನಾವು ಪ್ರತಿಯೊಂದು ಸಾಲೂ ಅರ್ಥಪೂರ್ಣವಾಗಬೇಕು ಎಂದರೆ ಲೇಖಕರು ಬರಹವನ್ನು ತಪಸ್ಸು ಎಂದು ಭಾವಿಸಬೇಕು ಮತ್ತು ಗರಿಷ್ಠ ಮಟ್ಟದ ಶ್ರಮ, ತ್ಯಾಗ ಮತ್ತು ಬದ್ಧತೆ ಮೆರೆಯುವುದರ ಮೂಲಕ ತಮ್ಮ ವ್ಯಕ್ತಿತ್ವ ಮತ್ತು ತಮ್ಮ ಬರಹದ ವ್ಯಕ್ತಿತ್ವ ಕಟ್ಟಿಕೊಳ್ಳಬೇಕು. ಇಂಥ ಲೇಖಕರು ಧಾರವಾಡ ಕಟ್ಟೆ ಮಾಸ ಪತ್ರಿಕೆಯ ಮೂಲಕ ಬೆಳೆದು ಬರಲಿ ಎಂಬುದು ನಮ್ಮ ಕನಸು ಮತ್ತು ಆಶಯ.
ಪ್ರೊ ಬಸವರಾಜ ಡೋಣೂರ
ಪರುಷಕಟ್ಟೆಯ ಬಳಗದ ಪರವಾಗಿ
